1/15/2012

عجبى بصوت صلاح جاهين و الكلمات المكتوبه




بعض ما جاء فى الفيديو


أيوب رماه البين بكل العـــــــــلل
سبع سنين مرضان وعنده شلل
الصــــبر طيب .. صبر أيوب شفاه
بس الأكـــــــــاده مات بفعل الملل

عجبي !!!
******

انا شب لكن عمرى و لا الف عام
 وحيد لكن بين ضلوعى ريحان 
خايف ولكن خوفى من انا
اخرس و لكن قلبى مليان كلام

عجبى !!!
*****

سمعت نقطة ميه جوه المحيط 
بتقول لنقطه ماتنزليش فى الغويط
اخاف عليكى مالغرق 
قلت انا دا اللى يخاف م الوعد يبقى عبيط

عجبي !!!
*****

يا عندليب ما تخافش من غنوتك
قول شكوتك و احكي علي بلوتك 
الغنوه مش ح تموتك إنمــــــــــا 
كتم الغنا هو اللي ح يموتــــــــك 

عجبي !!!
*****
دخل الربيع يضحك لآنى حزين 
نده الربيع على اسمى لم قلت مين 
حط الربيع ازهار جنبى وراح
وايش تعمل الازهار لحزين 

عجبى!!!
*****

لا تجبر الإنسان ولا تخيره
يكفيه مافيه من عقل بيحيره
 اللى النهارده بيطلبه و يبغاه
هو اللى بكره حيشتهى يغيره 

عجبى!!!
*****

ليه يا حبيبتى مابينا دايما 
دا البعد ذنب كبير 
ليه يا حبيبتى ما بينا دايما بحور
اعدى بحر الااقى غيره اتحفر

عجبى !!!

شكرا لكم 
منال رأفت

إبحث فى الويب مع جوجل

Custom Search

LinkWithin

Related Posts Plugin for WordPress, Blogger...

التسجيل

ادخل بريدك الإلكترونى و احصل على احدث المواضيع:

Delivered by FeedBurner