1/01/2012

ساكن قصادى رائعة نجاة من الزمن الجميل


ساكن قصادى وبحبه بحبه و أتمنى أقابله 
فكرت أصارحه لكن أبداً مقدرش أقوله 
وفضلت استنى استنى الأيام
فى ميعاد ما يظهر وميعاد ما يرجع
وفى كل خطوة أرسم أحلام
 تكبر في قلبي والقلب يطمع

و أقول مسيره هيحس بيا لو يوم صادفنى وسلم عليا 
هيلاقى صورته ساكنه فى عنيا و يحس بيها فى رعشة أيديا 

كنت حاسة أن حبه كل مادا كان بيكبر 
أبقى عايزة لو يكون لى قلب غير قلبى الصغير
فضلت أمانى مع الليالى تقرب حبيبى اللى ساكن قصادى حبيبى 
اللى ساكن قصادى وبحبه بحبه

وفى يوم صحيت على صوت فرح بصيت من الشباك 
زينة وتهانى وناس كتير دايرين هنا وهناك
شاوروا لى بإيديهم وقالوا لى عقبالك هللت من الفرحه 
هللت من الفرحه هللت من الفرحه
هللت من الفرحه

وسألت ؟!!!! قالوا جارك!!
جارى حبيبى 
اللى ساكن قصادى وبحبه بحبه
******
روحت الفرح بليل ورسمت فى عنيا الفرحة
 ساعة ما كان بيشيل بإيديه وبعنيه الطرحة
وشربت شرباتهم وأنا قاعدة باصه لهم
 حتى الأمل مبقاش من حقى افكر فيه
بعد الليلة دى خلاص بقى غيرى أولى بيه
******
وتوهت وسط الزحام ما حد حاسس بيه
 عايزة أجرى أجرى أجرى 
وأرجع أتوه والناس يقولوا حاسبى

ناس فى طريق النور ما بين فرح وشموع 
وأنا فى طريق مهجور و منوراه بالنور
و من واراه بدموعى 
ولقيتنى فايتة من جنب بابه لا هو دارى بقلبى 
ولا بـ اللى نابه يا ويلى ويلى من طول غيابه
ويا ويل إيامى من جرح عذابه 
وعذاب الجرح اللى فاته لى وسابه
مه ساكن فى قلبى و ساكن قصادى و بحبه
حبيبى ساكن قصادى وبحبه

شكرا لكم 


إبحث فى الويب مع جوجل

Custom Search

LinkWithin

Related Posts Plugin for WordPress, Blogger...

التسجيل

ادخل بريدك الإلكترونى و احصل على احدث المواضيع:

Delivered by FeedBurner