6/30/2011

اغنية يا مصري ليه ... لعلى الحجار


من كلمات سيد حجاب
و الحان ياسر عبد الرحمن 


يامصرى ليه




يا مصرى ليه دنياك  لخابيط و الغلب محيط  
 والعنكبوت عشش عالحيط و سرح عالغيط

يامصرى قوم هش الوطاويط كفاياك تبليط
صعبه الحياه والحل بسيط حبه تخطيط 

فتحت باب استيرادك 
وصرفت فوق ضعف ايراد
حلى للخواجه استكرادك 
سابك بتقرأ فى اورادك 
وده قشطك ونزل تشفيط 

يا مصرى ليه دنياك لخابيط و الغلب محيط  
 والعنكبوت عشش عالحيط و سرح عالغيط

ومهولاتى تحب تزيط 
ساعه الفرح رغاريد تنطيط
وفى المياتم هات يا صويت 
وفى المظاهرات سخن تشيط

وفى الانتخاب تنسى التصويت

يا مصرى ليه دنياك لخابيط و الغلب محيط  
 والعنكبوت عشش عالحيط و سرح عالغيط

وليه بترشى و تتساهل
وتضيع حقوقك بالساهل 
تستاهل النار تستاهل 
ياغويط ويحسبك الجاهل 
ساهل وساهى وغبى وعبيط

يا مصرى ليه دنياك لخابيط و الغلب محيط  
 والعنكبوت عشش عالحيط و سرح عالغيط

يامصرى ياللى الغلا عصرك 
والنهب فى عصرك حاصدك
قوم للحياه و اسبق عصرك 
ولا حاجه هترجع مصرك 
الا ان تكون شغال و نشيط 

يا مصرى ليه دنياك لخابيط و الغلب محيط  
 والعنكبوت عشش عالحيط و سرح عالغيط

يامصرى قوم هش الوطاويط كفاياك تبليط
صعبه الحياه والحل بسيط حبه تخطيط 

شكرا لكم
منال رأفت


إبحث فى الويب مع جوجل

Custom Search

LinkWithin

Related Posts Plugin for WordPress, Blogger...

التسجيل

ادخل بريدك الإلكترونى و احصل على احدث المواضيع:

Delivered by FeedBurner