7/21/2013

اغنية نقطة ضعف ... للرائعة الراحلة فايزةاحمد

لكل منا نقطة ضعف تؤثر فى حياته و قراراته 

كلمات: عبدالوهاب محمد
ألحان: محمد سلطان

كلمات اغنية نقطة ضعف

غصب عني ياحبيبي مهما اقول ابعد واخبي
القى روحي باحن لك واشتاق لحبي
غصب عني غصب عني كمان باصدق حسن ظني
واطوي شكى فيك وحيرتي في التمني
واعمل ايه وياك وحبك اقوى مني

قد ما إرادتي قويه قد ما دموعي ابية 
نقطه الضعف اللي فيَّ هي قلبي وانت قلبي

*************
اشتياقي ياحبيبي وانت غايب 
اشتياق فوق اشتياق كل الحبايب 
بس عزة نفسى بتخليني اداري 
واقدر اصبر وابتسم فى عز ناري 

يجرى ما يجرى وماحدش عنده فكرة 
والحقيقة اني بادوب لهفة وحنين 
وانتظار على نار وافكار حيرانين 
بتغالبنى الوحدة وانا مع ناس كتار 
ويصاحبني السهد حتى بالنهار 
والدقيقة تمر عليَّ سنين 
كل ده وانت بعيد 
واما بتعود من جديد 
كل ثانيه تبقى عيد 
والحياة بترد فيَّ والسماح يغلب عليَّ 


قد ما إرادتي قويه قد ما دموعي ابية 
نقطه الضعف اللي فيَّ هي قلبي وانت قلبي

*************

نقطة الضعف اللي فيَّ عذبتني انسانيا
حملتني فوق مايقدر حد يتحمل ضنى 
وصلتنى اعيش لك انت وانسى حتى مين انا
وامشي ورا قلبي وغرامه فى الضلوع 
زي طيران الفراشة عالشموع

باعرف اني اروح وماعرفش الرجوع 

عايز اكتر من كده ايه 
عايز اكتر من كده كده ايه يامنايَ 
انت ماشفت الحب ده الا معايَ 
ليه مابتقدرش ليه وانا م البداية 
باحبك حب لسه ماتعرفش 
واخاف عالحب مين حب ومخافش

************* 
ياحبيبى ..ياحبيبى
زى موج البحر ما بيرجع لبحره باعود إليك

ياحبيبى ..ياحبيبى
زي ما يخاف اللي تاهت نفسه منه بخاف عليك 

واعمل ايه اعمل ايه 
اعمل ايه لما عواطفى بتعاندني وبتراضيك
واعمل ايه وانا سر ضعفى رأفة بيك 
من حبي فيك ياحبيبي نقطة الضعف اللي عندي 
كان منايَ تبقى عندك 
واللي بشعر بيه لوحدى انت تشعر بيه لوحدك 

كان منايَ يامنايَ يغيرك عطفي وحناني
كان منايَ تبقى ارحم ما فى زماني 

بس ياخسارة التمني 
عاش تمني والحياة مابتديناش كل الاماني 


قد ما إرادتي قويه قد ما دموعي ابية 
نقطه الضعف اللي فيَّ هي قلبي وانت قلبي

*************




شكرا للرقيقة فايزة احمد 
و شكرا لكم
منال رأفت

إبحث فى الويب مع جوجل

Custom Search

LinkWithin

Related Posts Plugin for WordPress, Blogger...

التسجيل

ادخل بريدك الإلكترونى و احصل على احدث المواضيع:

Delivered by FeedBurner