5/19/2013

صعب جدا ....

أحيانا تمر علينا بعض الأحاسيس التى نشعر أنها قاسية و صعبه علينا, و للاسف نكون مضطرين لقبولها و إستيعابها.

*** صعب جدا لما تكون الدموع ماليه عنيك و مش قادر تنزلها ولا تعبر بكلمة عن اللى جواك علشان ما تزعلش انسان غالى عليك لو مرت الكلمة عليه ممكن تضايقه مع انك ممكن تكون بالفعل خسرته.

*** صعب جدا لما تشوف حبيبك معاك و مش معاك, جنبك و بعيد عنك.

*** صعب جدا انك تحب بكل ما تملك من إحساس, و لا تجد مقابل هذا الإحساس.

*** صعب جدا انك تكون نفسك تعرف إحساس الناس تجاهك و مش قادر تسألهم عنه و خايف من رد فعلهم. 

*** صعب جدا لما تحس ان العمر جرى من بين ايديك و انت واقف تتفرج على اللى كان نفسك تحققه و ما حققتهوش و للاسف ضاع منك و للابد.

*** صعب جدا لما يكون عندك أحاسيس مختلفة تجاة من تحب و تخاف تقولها لأنه ممكن ميقدرهاش أو ما يفهمش معناها الحقيقى.
فالخوف عليه قد يفسر بحب السيطرة.
و الغيرة قد تفسر بحب التملك.
و القلق قد يفسر بالشك.
و غيره كثير. 





لكن مع كل صعب فى رب بيسهل كل عسير.
لكن مع كل صعب فى حل ممكن تلاقيه سهل و انت مش شايفه.
لكن مع كل صعب ممكن تلاقى ناس تساعدك و تقف جنبك.

دور انت بس و هتلاقى الخير حواليك.



بقلمى منال رأفت 
شكرا لكم  


إبحث فى الويب مع جوجل

Custom Search

LinkWithin

Related Posts Plugin for WordPress, Blogger...

التسجيل

ادخل بريدك الإلكترونى و احصل على احدث المواضيع:

Delivered by FeedBurner