4 أبريل، 2013

ما هو أصعب شئ فى الحياة ... مناقشات من الحياة ... مع أغنية صعب جدا لهانى شاكر

أجرينا هذا الحوار على صفحتنا بالفيس بوك, و كان كالتالى: 

بدأت أنا بالسؤال وهو
ممكن سؤال للمناقشه لو تفضلتم, أنا اعلم ان الحياة بها صعوبات كثيرة و لهذا أسأل حضراتكم لو تفضلتم 
ما هو أصعب شئ فى الحياة من وجهة نظركم؟
هل هو رؤية الدموع و الآلآم فى عيون شخص عزيز عليكم؟
هل هو فراق حبيب أو عزيز لأى سبب؟
هل هو الفشل فى تحقيق أمل فى الحياة؟
هل لكم رؤيه أخرى ؟


قالت الآنسة Rokia . O:
 the death (الموت)

ردى أنا: 
ربنا يرحمنا. 

أضاف أستاذ Mohammad . I:
 أصعب شئ في الحياه من وجهة نظري هو الفشل في تحقيق أمل وهدف منشود كنا نسعي ونعمل بجد من اجل الوصول اليه ...

ردى أنا: 
شكرا يا استاذ محمد على المشاركة ربنا يخليك.

قال الأستاذ اسير الصمت:
هو الفشل فى تحقيق امل ومن هذه الامال هو الارتباط بمن تحب فاذا فقدت من تحب فستفقد طعم الحياه.


ردى أنا: 
 شكرا لحضرتك اسير الصمت انت كده ذكرت نوع من الفشل صعب للغايه و هو الفشل فى الإرتباط بمن نحب و فقدانهم.

أضاف اسير الصمت:
يمكن ده اصعب انواع الفشل لانى اى حاجه تانيه ممكن تتعوض ما عدا الحب

قال الأستاذ احمد .ع . ا.
تسلم ايدك يا دكتورة موضوعك قيم وجميل ومفيد
فعلا الحياة بها الكثير من الصعاب والالام فى الحياة وتتنوع الصعوبات وتختلف الالام من شخص لاخر فليس ما يؤلمنى يؤلم غيرى وليس ما اعتبره صعبا لى هو صعب لاخر
فانا اقول من وجهة نظرى كلهم صعاب لا اتمناها لاحد
ولكن ما اظنة اكثر الماً لى هو فراق حبيب وعزيز وغالى لدى فحقا لحظة الفراق هى اصعب واشد اللحظات الما ولا يضاحيها الم فالانسان هو مكمل لاخيه او اخته او امه وابيه او حبيبته وزوجته فان غاب الحبيب والغالى والعزيز بالتاكيد سيؤثر بالسلب والالم الشديد علينا 
لا جمعه الله على احد 
تسلم ايدك يا دكتورة

أضاف أستاذ Mohammad  . I: 
لا شكر علي واجب دكتوره ،

قال الأستاذ Mahmoud . Sh:
الزمن اللي احنا فيه.

قال المهندس Mohamed . Sh:
ارى ان الفشل فى تحقيق امل للمستقبل هو اصعب شئ ويحزنى كثيرا وهو ما اعيشه حاليا فبالنسبة لى انا حزين طبعا على بلدى وحزنى الاكثر بسبب عدم تمكنى فى اتخاذ خطوات للرقى بها لمستقبل افضل ليس لى بل لأولادى

و قال أيضا الأستاذ رمضان س . م:
الغربة !!!!!!!!! بها صعوبات كثيرة فيهااا الثلاثة رؤية الدموع و الآلآم فى عيون شخص عزيز عليكم؟
هل هو فراق حبيب أو عزيز لأى سبب؟
هل هو الفشل فى تحقيق أمل فى الحياة


ردودى على الأصدقاء و التى جاءت فى اليوم التالى للحوار:

ردا على الأستاذ أسير الصمت:
كلامك صحيح يا سيدى و فعلا فقدان الحبيب لأى سبب حتى و لو بإختيارنا بسبب إجبار الظروف مؤلم جدا و أشد إيلاما من الموت ذاته. اسير الصمت

ردا على الأستاذ أحمد . ع . ا:
تسلم يا استاذ أحمد فعلا فراق الأحباب هو أشد أنواع الألم لا أرانا الله هذا ابدا و إياكم

ردا على الأستاذ Mahmoud . Sh :
للأسف يا استاذ محمود فعلا الزمن اللى احنا فيه هو المتسبب فى أغلب الآلآم و المشكلات و الفشل و انواع الإحباط المختلفه الى حد كبير ربنا يرحمنا.

ردا على المهندس  Mohamed . Sh :
وضعت يدك يا باشمهندس على مكان الألم و الجرح فهذا هو ما يحزننا جميعا و يصيبنا بالإحباط و يؤدى بنا إلى الإكتئاب و الفشل ربنا يرحمنا 

ردا على الأستاذ رمضان . س . م:
للاسف يا استاذ رمضان آلآم الغربه اكثر و أعمق بكثير مما ذكرنا و فيها كل انواع الألم و من مر بها يعرف هذا و هو نوع من الألم لا نستطيع وصفه ولا يقدر بثمن و لا يشعر به إلا من مر بنفس التجربه أعانك الله عليها و أعان الجميع


و تفضلت الدكتورة Dr Aeda . N بإضافى التعليق التالى:
في رأيي اصعب شيئ هو مقاومة الفساد وجهاد النفس

ردى أنا: 
صدقت و الله يا دكتورة عايده و الفساد هو سبب كل بلاء و النفس هى ما يقودنا لكل خير أو شر الف شكر لحضرتك 



قال الأستاذ Yasser . A: 
فراق الوطن اصعب.

ردى أنا :
عندك حق أستاذ ياسر الوطن يعيش فينا و فراقه يصعب علينا جدا

و قال الأستاذ : Hamza . A: 
الفشل فى تحقيق أمل فى الحياة.

ردى أنا :
فعلا يا كابتن حازم عدم تحقيق الأمل من أقسى أنواع الفشل 

خلاصة الحوار: 
خلصنا إلى

  • من أكبر المصاعب التى تسبب إيلاما للنفس فراق الأحبة و التى إجتمع عليها غالبية الآراء سواء بالفشل فى الإرتباط لأس سبب  كان أو بالموت .
  • الفشل من أكبر الصعوبات التى تواجنا فى حياتنا بصفة عامة و للفشل انواع كثيرة و أسباب كثيره منها الإحباطات الداخليه و الخارجيه و التى ترتبط بالأحوال العامة حولنا فى بلادنا و حياتنا بصفة عامة.
  • الدموع فى عيون الحبة قاسيه على القلوب و لا يحتملها الكثيرين .
  • الغربه و هى صعوبه كبيرة و ألم شديد على النفس لا يحتمله الكثيرين و أى شى أمامه لا يساويه. فالغربه تجمع كل أسباب الألم و كل أنواع الصعوبات فى طياتها.
  • من الصعوبات التى لا يدركها الكثيرين مجاهدة النفس على ترك المعاصى و مجاهدة الفساد فى عصر كان الفساد فيه أعم و أسهل من العفاف.
  • و من المؤكد أن الصعوبات كثيرة  


و وجدت أن هذه الأغنية مناسبة للموضوع و على الأصح هى التى أوحت لى بفكرة الموضوع فوضعتها لكم فهى ممتعة بحق و شكرا لهانى شاكر. 

كلمات أغنية صعب جدا لهانى شاكر

صعب جدا
صعب جدا تبقى شايف قدام عينيك حد انت بتعشقه مليان آلآم
صعب جدا تبقى شايف كل دمعة من دموعه نازلة حايره من عينيه من غير كلام
صعب جدا تبقى واقف بين ايديه شايف ايديه حاضنه الألم من غير أنين
تبقى مش عارف تروح فين ولا فين تبقى ناسى حتى انت تبقى مين


صعب جدا
صعب جدااااا
******

يا حبيب عمرى وحياتى ونور عينيا
يا أرق ملاك نزل ع الارض ديا 

عمرى ما احلم انى اشوفك تنكسر يوم وانت جنبى
دا انت روحى ونور حياتى انت عايش جوا قلبى 

كل ثانية فى عمرى فدى نظره الم
كل لحظة فى عمرى فدى لحظة ندم

مش هسيبك تنجرح تانى ف حياتك
 حالف انى اعوضك كل اللى فاتك

******

قلبى حاسس يا حبيبى انى راجع بيك زمانى
وان جوا قلبك انت هو دا هيكون مكانى

راجع وشايلك جوا عينى أسقيك حبيبى من حنينى


يارب عمرى ما اشوف دموع
نازلة تانى من عينيك
تلقى كل الدنيا عندك
جايبة نور الفجر ليك 


تلقى فرح العمر جايلك 
وبكرة دايما بيناديك
تلقى كل حبيب لقلبك 
حاضنه انت بين اديك

*****

مش هسيبك تنجرح تانى ف حياتك
حالف انى اعوضك كل اللى فاتك


حالف انى اعوضك كل اللى فااااااااااااااااتك





أرجو ان تكونوا استمتعتم بالحوار ووجدتم به جديدا مفيدا 

و شكرا لكم
منال رأفت

إبحث فى الويب مع جوجل

Custom Search

LinkWithin

Related Posts Plugin for WordPress, Blogger...

التسجيل

ادخل بريدك الإلكترونى و احصل على احدث المواضيع:

Delivered by FeedBurner